Yahi hota kyon hai?

Koi ye kaise bataye ke wo tanha kyon hai?
Wo jo apna tha wahi aur kisi ka kyon hai?
Ye hi dunia hai to aakhir eisi ye dunia kyon hai?
Yahi hota hai to aakhir yahi hota kyon hai?

Dil - E - Barbad se nikla nahi ab tak koi,
Ek lute ghar pe diya karta hai dastak koi,
Aas jo toot gai phir se bandhata kyon hai?
Koi ye kaise bataye ke wo tanha kyon hai?

Tum assaratt ka kaho ya ise gam ka rishta,
Kahte hai pyaar ka rishta hai janam ka rishta,
Hai janam ka jo ye rishta to badalta kyon hai?
Koi ye kaise bataye ke wo tanha kyon hai?

Ek jara hath bada de to pakad le daman,
Uske sine mein sama jaaye hamari dhadkan,
Itni kurbat hai to phasala itna kyon hai?
Koi ye kaise bataye ke wo tanha kyon hai?

Koi ye kaise bataye ke wo tanha kyon hai?
Wo jo apna tha wahi aur kisi ka kyon hai?
Ye hi dunia hai to aakhir eisi ye dunia kyon hai?
Yahi hota hai to aakhir yahi hota kyon hai